बैतडीमा पहिलो पटक नदी दिवस मनाईएको छ । जिल्लाको दशरथ चन्द नगरपालिका वडा नं. ६ महाकाली नदी किनारका वस्तीमा रहेका महिलाहरुले नदी दिवस मनाएका हुन् ।
नदी सफा राखौ, नदीको पानीको सदुपयोग गरौं ,पानी जीवन हो ,पानी सम्पत्ति हो भन्ने नारा लगाएर महिलाहरुले नदी दिवस मनाएको महिला सशक्तिकरण केन्द्रका सदस्य पर्वती कार्कीले बताउनुभयो । नदी दिवसको अवसरमा पानीको महत्वका बारेमा चित्रकला प्रतियोगितासहित नदीको गतिविधि सम्बन्धि अन्तरक्रिया समेत आयोजना गरिएको थियो ।
महाकाली किनारमा रहेको उक्त शेरा वस्तीमा ९५ घर परिवार छन् । छेउमै महाकाली नदी बगे पनि गाउँमा खानेपानी र सिंचाईको अभाव छ । सो वस्तीमा महाकाली नदीको पानीको सदुपयोग परियोजना ( ट्रोसा ) कार्यक्रम संचालनमा रहेको छ ।
नदी दिवस मनाउन रुडेस बैतडीले महिलाहरुलाई सहयोग गरेको दशरथ चन्द नगरपालिका ६ का निर्वाचित वडा सदस्य सीता कार्कीले बताउनुभयो ।
अक्सफाम नेपालको सहयोगमा रुडेसद्वारा संचालित महाकाली नदीको पानीको सदुपयोग परियोजना ( ट्रोसा ) ले बैतडीका दशरथ चन्द नगरपालिका, शिवनाथ गाउँपालिका र पञ्चेश्वर गाउँपालिकाका कार्यक्रम संचालन गरिरहेको रुडेस बैतडीका कार्यकारी निर्देश गोविन्दराज जोशीले जानकारी गरी दनुभयो ।
सन् १९९७ मार्च १४ मा विश्वका २० देशका प्रमुखहरुले ब्राजिलमा भेला भएर नदीको दीगो व्यवस्थापन गर्न नदी दिवस मनाउन सुरु गरेका थिए ।
Comments
Post a Comment